Հետևեք մեզ նաև Telegram-ում 
Հոկտեմբերի 27-ի երեկոյան` ՀՀ վարչապետ Նիկոլ Փաշինյանի ելույթից անմիջապես հետո, ադրբեջանական տելեգրամյան ալիքներում մի տեսանյութ տարածվեց, որտեղ երևում էր, թե ինչպես են ՀՀ ոստիկանները բերման ենթարկում մի խումբ մարդկանց։
Տելեգրամյան ալիքները, մեկնաբանելով տեսանյութը, գրել էին, թե հայերը ստիպողաբար են մեկնում ռազմաճակատ։
Մասնավորապես նշված էր, որ նույն ժամանակահատվածում, երբ վարչապետ Փաշինյանը խոսում է բարձր մարտական ոգու մասին, հայ տղամարդկանց բռնի ուժով ուղարկում են «ծանոթանալու» Բայրաքթար հարվածային ԱԹՍ-ներին։
«Տեղեկատվության ստուգման կենտրոնը» հայտնում է, որ տարածվող տեսանյութը հին է և որևէ կապ չունի Ադրբեջանի կողմից` սեպտեմբերի 27-ին սաձազերծված պատերազմի հետ։
Տեսանյութը համացանցում հայտնվել է դեռևս սույն թվականի հուլիսի 13-ին, երբ «ՎԵՏՕ» նախաձեռնության մասնակիցները Արտաշատ քաղաքից ավտոերթ էին իրականացնում դեպի Երևան։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել