Մոսկվայում ՀՀ ԱԳ նախարարի հետ հանդիպումից հետո Ադրբեջանի արտաքին գործերի նախարար Էլմար Մամեդյարովը հանդես էր եկել հայտարարություններով, որոնցում, անդրադառնալով ապրիլի 15-ի հանդիպմանը, նշել էր, թե քննարկումը եղել է 2016-ին Ռուսաստանի կողմից ներկայացված ծրագրի հիման վրա։ Լուրը տարածում գտավ հայկական և ռուսական մի շարք լրատվամիջոցներում։
ՀՀ արտաքին գործերի նախարարության մամուլի խոսնակ Աննա Նաղդալյանը, անդրադառնալով թեմային, հերքել է ադրբեջանական կողմի տարածած հայտարարությունը՝ նշելով «Հանդիպման արդյունքներով հրապարակվել է դրան մասնակցող կողմերի համատեղ հայտարարությունը, որտեղ արդեն իսկ նշված են քննարկված թեմաները։ Համատեղ հայտարարությունները հենց այն նպատակով են արվում, որ դրանցում ամփոփվեն հանդիպման բոլոր մասնակիցների միջև համաձայնեցված ձևակերպումները։ Համաձայնեցված ձևակերպումներից դուրս, դրանց հակասող հայտարարությունները չեն նպաստում փոխվստահության ամրապնդմանը, առավել ևս եթե դրանք մտացածին են և չեն համապատասխանում իրականությանը։
Ներկայումս որևէ ծրագրի հիման վրա բանակցություններ չեն ընթանում։ Ավելին, քննարկումների բովանդակային մասը շարունակում է ընթանալ միմյանց դիրքորոշումներին ծանոթանալու, պարզաբանելու ու հստակեցնելու տիրույթում»։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել