Հետևեք մեզ նաև Telegram-ում 
Քաղաքագետ Էդգար Էլբակյանն այսօր իր ֆեյսբուքյան էջում գրել էր, թե Սյունիքի մարզի և Արցախի Քաշաթաղի շրջանի հատման տեղում գտնվող Սև լճի մեծ մասը համաձայն ԽՍՀՄ քարտեզների գտնվում է Սյունիքի տարածքում, սակայն ադրբեջանցիներն այդ տարածքն ամբողջապես օկուպացրել են: Որպես ասվածի ապացույց, Էլբակյանը ներկայացրել էր ադրբեջանական ցանցերում տարածված մի տեսանյութ։ Սյունիքի մարզպետարանն, անդրադառնալով գրառմանը, հերքել է այն։
Հայտարարության մեջ մասնավորապես նշված է․
«Այսօր համացանցում տարածված տեղեկությունները, թե իբր ադրբեջանցիներն ամբողջությամբ զբաղեցրել են Սև լճի տարածքը, ներթափանցելով նաև Սյունիքի մարզի տարածք, չի համապատասխանում իրականությանը։ Հայ-ադրբեջանական սահմանագիծն, ինչպես խորհրդային տարիներին, այժմ էլ անցնում է լճի տարածքով, եւ այս պահին յուրաքանչյուր կողմը վերահսկում է իր հատվածը, Սյունիքի մարզից որեւէ տարածք Սև լիճ արգելավարում չի զիջվել։ Այն, որ այս պահին ադրբեջանական կողմն անգամ դիրքեր չի տեղադրել իր հատվածում, իսկ տարածվող նյութն ապատեղեկատվություն է, հաստատում է Առաջին բանակային կորպուսի հրամանատար, գեներալ-մայոր Ժ․Պողոսյանը, որը վերջին երկու օրերին գտնվել է այդ տարածքում»։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել