Կառավարության այսօրվա նիստում հավանության արժանացավ «Ինթերնեշնլ Մանուֆաքչրինգ գրուպ» ՓԲԸ-ի կողմից ներկայացված հայտը՝ ազատելու ընկերությանը ներմուծման մաքսատուրքից։
Ընկերության գործունեության առնչությամբ մամուլում տեղ գտած հրապարակումներին ի պատասխան՝ հայտնում ենք, որ տեխնոլոգիական սարքավորումների բաղկացուցիչ և համալրող մասերի առաջին խմբաքանակը Փոթիի նավահանգստից դեպի ՀՀ ճանապարհին է․ կազմակերպությումը պատրաստակամ է տրամադրել սույնը հաստատող փաստաթղթեր։
Նշենք, որ արդեն իսկ իրականացվել է 2.19 մլրդ ՀՀ դրամի ներդրում արտադրական տարածքի կառուցման և կահավորման, ինչպես նաև սարքավորումների ձեռքբերման և տեղակայման համար: Ընկերությունը կանխատեսում է, որ ծրագրի իրականացման ընթացքում ներդրումների չափը կհասնի 4.87 մլրդ ՀՀ դրամի: Նախատեսվում է ներդրումային ծրագրի շրջանակում ստեղծել 60-70 նոր աշխատատեղ՝ 200,000 ՀՀ դրամ միջին աշխատավարձով։ Այս մասին հայտնում է ՀՀ տնտեսական զարգացման և ներդրումների նախարարությունը։
Հավելենք նաև, որ ընկերությունը, ի պատասխան, հաղորդագորթյուն է տարածել՝ հորդորելով ապատեղեկատվություն չտարածել։
Հաղորդագրության մեջ մասնավորապես ասված է, որ «Ինթերնեշնլ Մանուֆաքչրինգ գրուպ» ՓԲԸ գրանցված է Արդարադատության նախարարության իրավաբանական անձանց պետական ռեգիստրում և գործում է Երկրագործների թաղամաս, 3 փողոց, թիվ 2, Մերձավան համայնք, 1139, Արմավիրի մարզ հասցեում: Ընկերության հարկ վճարողի հաշվառման համարն է (ՀՎՀՀ) 04430054, իրավաբանական անձի ծածկագիրն է 51356297:
Հավելյալ փաստաթղթերը կարող եք տեսնել՝ այստեղ.
http://bit.ly/2W4GRyF
http://bit.ly/2LbijDs
http://bit.ly/2PsTcdH
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել