Հետևեք մեզ նաև Telegram-ում 
Հոկտեմբերի 15-ին, երբ հայտնի դարձավ մոտ 90 տոննա թուրքական նուռ և մանդարին Ռուսաստան ներմուծելու արգելքի մասին, հայկական մեդիադաշտում սկսեց ակտիվորեն տարածվել «Սանկցիաներ Թուրքիայի դեմ» խորագրով մի տեսանյութ։ Այնտեղ խոսվում էր նախագահ Վլադիմիր Պուտինի կողմից հրամանագրի ստորագրման մասին, որի համաձայն՝ Թուրքիայից ՌԴ չեն ներկրվի սննդամթերքի որոշ տեսակներ, իսկ վերջինիս քաղաքացիների համար հունվարի 1-ից վիզայի ռեժիմ կհաստատվի: Նշվում էր նաև Ռուսաստանի տարածքում Թուրքիայի քաղաքացիների աշխատանքների կատարման արգելքի, Ռուսաստանի քաղաքացիների՝ Թուրքիա չվերթների չեղարկման մասին։
Հայտնում ենք, որ տարածվող տեսանյութը 5 տարվա հնության է։ Համացանցում այն հայտնվել է 2015 թվականի նոյեմբերի 28-ին, երբ Ռուսաստանի կառավարությունը հայտարարեց Թուրքիայի նկատմամբ սահմանափակումների կիրառման մասին և կասեցրեց համատեղ իրականացվող մի շարք ծրագրեր՝ ի պատասխա նոյեմբերի 24-ին թուրքական կողմից ռուսական մարտական Սու-24 ռազմական ինքնաթիռի խոցման:
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել