Հետևեք մեզ նաև Telegram-ում 
Աղրբեջանական մի շարք լրատվակայքեր և յութուբյան ալիքներ «Նիկոլ Փաշինյանն անընդհատ զանգահարում է Վլադիմիր Պուտինին» վերտառությամբ տեսանյութ են տարածում։ Report.az-ը, մասնավորապես, հայտնում է, թե «Ռոսիա-1» հեռուստաընկերությունը հրապարակել է կադրեր ՌԴ նախագահ Վլադիմիր Պուտինի՝ Ռուսաստանի կառավարության անդանմերի հետ ունեցած հանդիպումից և իբրև թե այդ կադրերում երևում է, որ ՀՀ վարչապետ Նիկոլ Փաշինյանն անընդհատ զանգահարում է Վլադիմիր Պուտինին։
մոնտաժված
Ուսումնասիրելով տարածվող տեսանյութը՝ հայտնում ենք, որ այն մոնտաժված է, իսկ բովանդակությունը ներկայացվում է կոնտեքստից կտրված։ «Ռոսիա-1»-ի թղթակից Պավել Զառուբինի ինստագրամյան էջում կարող եք տեսնել ռեպորտաժի իրական՝ չմոնտաժված տարբերակը։ Լրագրողը, ամփոփելով ՌԴ նախագահ Վլադիմիր Պուտինի աշխատանքային շաբաթը, նշում է, որ նախագահական հեռախոսը «չէր լռում»։ Նախագահի մամուլի ծառայությունն էլ փոխանցել էր լրագրողին, որ զանգահարողների մեջ եղել են մի շարք անձինք՝ ՀՀ վարչապետ Նիկոլ Փաշինյանը, Ֆրանսիայի նախագահ Էմանուել Մակրոնը, Ճապոնիայի վարչապետ Յոսիհիդե Սուգայը, Բելառուսի նախագահ Ալեքսանդր Լուկաշենկոն և այլք։
իրական
Այսպիսով, կարող ենք փաստել, որ ադրբեջանական աղբյուրներով տարածվող տեսանյութը մոնտաժված է, իսկ բովանդակությունը՝ խեղաթյուրված։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել