Հետևեք մեզ նաև Telegram-ում

Ինչպես հայտնի է՝ Մոսկվայի ամենամեծ մեծածախ շուկաներից մեկից՝ «Ֆուդ սիթի»֊ին, հուլիսի 16-ին հրաժարվել է ընդունել հայկական գյուղմթերքով բեռնված բեռնատարները։ Մթերքի սպառման գործընթացում այժմ մեծ աջակցություն են ցուցաբերում մոսկվայաբնակ հայերը, որոնք արագորեն իրացնում են ապրանքը։

Ի պատասխան Էկոնոմիկայի նախարարությանն ուղղված հարցադրումների՝ կապված խնդրի կարգավորման հետ, գերատեսչության մամուլի խոսնակ Աննա Օհանյանը հայտնում է.

«Մոսկվայում հայկական ծիրանի վաճառքի խնդիրների հետ կապված ՌԴ-ում ՀՀ դեսպանության հետ համատեղ հայտնում ենք, որ տրվել է 2 այլընտրանքային լուծում. հայկական գյուղմթերքով բեռնված բեռնատարներին առաջարկվում է իրենց ապրանքը տեղափոխել հետևյալ երկու իրացման կետեր՝ Шёлковый Путь առևտրի կենտրոն, МКАД, 32-й километр։ Սույն կետը գտնվում է «Ֆուդ սիթի» կենտրոնից մոտ 10 կմ հեռավորության վրա:

Бухта, մեծածախ առևտրի կենտրոն Дмитровское ш., 165 корпус 1, +79266660099, Յուրի՝ տնօրեն: Այս կետն առաջարկվում է «Տաշիր» ԸԽ-ի կողմից, որտեղ մոսկվայաբնակ գործարար Սամվել Կարապետյանի որոշմամբ անվճար կարող են կայանել հայ արտահանողները:

Այս պահի դրությամբ «Ֆուդ սիթի» կենտրոնը չի կարողանում չեզոքացնել հայ արտահանողների շուկայահանման խնդիրները, ուստի, մեր հայրենակիցներին առաջարկում ենք օգտվել վերոնշյալ տարբերակներից»:

Թարմացում

Արտահանողները կարող են անվճար պայմաններով կայանել «Роктон» պահեստավորման բազայի տարածքում ևս (51-й км МКАД, вл.2, тел. +7 (985) 643-43-45 ), ինչպես նաև արտադրական-պահեստավորման «БММ» կենտրոնի տարածքում (г. Москва, Кирпичные выемки, 4)։

Տեղում ապահովված են բոլոր անհրաժեշտ պայմանները:

Այս հարցով ՌԴ-ում ՀՀ դեսպանատանը գործում է հետևյալ հեռախոսահամարը՝ + 7 (966) 118-89-84։