Հետևեք մեզ նաև Telegram-ում 
Երեկ analitik.am լրատվակայքը, հղում անելով սեփական աղբյուրներին, գրել էր, որ ՀՀ շրջակա միջավայրի նախկին նախարար Էրիկ Գրիգորյանը պաշտոնաթողությունից առաջ պարգևատրել է իրեն և իր մերձավոր աշխատակիցներին։
Լրատվամիջոցի փոխանցմամբ՝ «Կառավարության հրահանգով նախարարության պարգևավճարները պետք է ուղղվեն կորոնավիրուսի հաղթահարման համար բացված հաշվեհամարին, որը սակայն, Գրիգորյանը չի արել: Նա վերջին պարգևավճարները պարզապես գրպանն է դրել»։
Շրջակա միջավայրի նախարարության փոխանցմամաբ՝ ԶԼՄ-ի կողմից հրապարակվել է ապատեղեկատվություն. Էրիկ Գրիգորյանը չի պարգևատրվել ո՛չ հեռանալուց առաջ, ո՛չ էլ դրան նախորդող ամսվա ընթացքում։ 2020 թվականին նախկին նախարարը պարգևատրվել է երկու անգամ՝ հունվար-փետրվար ամսին։
Մարտ ամսին ստացված աշխատավարձի զգալի մասը Էրիկ Գրիգորյանը փոխանցել է կորոնավիրուսի հաղթահարման համար բացված հաշվեհամարին։
Հավելենք նաև, որ նախարարները չեն կարող պարգևատրել իրենք իրենց։ Պարգևատրման մասին որոշումը կայացնում է ՀՀ վարչապետը։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել