Ֆեյսբուքի հայկական տիրույթում գործում է Fǝƈebọok Bussines անունով կեղծ էջը, որը նմանակում է սոցցանցի ադմինիստրացիայի կողմից ստեղծված էջին։ Անվանումը միտումնավոր գրված է կյուրեղատառ, քանի որ այդպիսով Ֆեյսբուքի անվտանգության համակարգը անմիջապես չի կարողանա հայտնաբերել նմանակումը։ Fǝƈebọok Bussines-ը նշում է հայաստանյան տարբեր էջերի՝ զգուշացնելով պայմանագրի խախտման և հնարավոր արգելափակման մասին։ Հաշվի արգելափակումից խուսափելու համար՝ առաջարկվում է անցնել հղումով։
Եթե տվյալ անձը հավատում և անցնում է հղումով, ապա հայտնվում է ֆեյսբուքին շատ նման մի կայքում, որը սակայն բոլորովին այլ հասցե ունի։
Մուտքը հաջորդ էջ՝ մարդուց կորզում է իր մուտքային տվյալները, էլ. փոստը և գաղտնաբառը։
Իսկ վերջնական արդյունքում, եթե օգտատերը ներմուծում է իր գաղտնաբառը, առաջարկվում է բանկային տվյալների ներմուծում։
Նախկինում արդեն գրել էինք կիբերհանցագործությունների և ինտերնետային շորթման դինամիկ աճի մասին։ Նմանօրինակ հարձակումներից խուսափելու համար՝ առաջարկում ենք օգտվել միայն ֆեյսբուքի պաշտոնական հաղորդագրություններից և պահպանել անվտանգության կանոները։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել