Երեկ մամուլում հայտնված «Արտակարգ դեպք Երևանում. 9 ամսական տղան պատվաստվելուց հետո ծայրահեղ ծանր ախտորոշմամբ տեղափոխվել է «Արաբկիր» բժշկական կենտրոն» վերտառությամբ հոդվածի կապակցությամբ Առողջապահության նախարարությունը հայտնում է, որ «Արաբկիր» բժշկական կենրոտոնից հերքում են, թե երեխայի մոտ առկա է հետպատվաստումային բարդացում, ըստ բժիշկների՝ նման կարծիքի հանգել է ընտանիքը։ Երեխայի մոտ առկա է սուր սեպտիկ բորբոքային վիճակ։ Առաջիկայում կտրվի հավելյալ տեղեկություն՝ երեխայի վիճակի և վերջնական ախտորոշման վերաբերյալ։
Հիշյալ հոդվածում տեղ գտած պարբերությունը, թե իբր ««Արաբկիր» բժշկական կենտրոնում երեխաների 90 տոկոսը նույն խնդիրով են ու առաջին նշանը՝ բարձր ջերմություն, թոքերում և կրծքավանդակում՝ հեղուկ և այտուցում է լինում։ Կան դեպքեր, որ երիկամները չեն գործում» ևս իրականության հետ որևէ աղերս չունի։
«Բնականաբար, երեխաներին նեղ մասնագիտական բժշկական օգնություն ցուցաբերող հիվանդանոցում կարող են բուժում ստանալ բազմաթիվ ախտորոշումներով պացիենտներ, սակայն, այս պահի դրությամբ նրանց մոտ հետպատվաստումային կարգավիճակ չկա։
Հաջորդ ապատեղեկատվությունը. երեխան տեղափոխվել է ոչ թե «Սուրբ Գրիգոր Լուսավորիչ», այլ «Սուրբ Աստվածամայր» բժշկական կենտրոն։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել