Այսօր մեդիադաշտում լայնորեն շրջանառվում էր «Ռոբերտ Քոչարյանի հետ նկարի համար հյուպատոսը ազատվել է աշխատանքից» վերտառությամբ հոդվածը, որտեղ նշվում էր, թե ՀՀ հյուպատոս Արա Բաղդասարյանը ազատվել է պաշտոնից ՀՀ երկրորդ նախագահ Ռոբերտ Քոչարյանի հետ իր լուսանկարը հրապարակելու համար։
«Նկարի՝ համացանցում հայտնվելուց հետո, նրան զանգահարեցին ՀՀ ԱԳՆ-ից և հայտնեցին, որ ազատված է զբաղեցրած պաշտոնից՝ իր քաղաքական դիրքորոշման պատճառով»,- նշված էր հոդվածում։
Ի պատասխան այս հրապարակման՝ ՀՀ Արտաքին գործերի նախարարությւոնը հայտնում է.
«Արա Բաղդասարյանը չի հանդիսացել Անդորրայում Հայաստանի Հանրապետության հյուպատոսը (ինչպես նշված է հոդվածում)։ Տեղեկացնում ենք, որ Անդորրայի Իշխանապետության հետ հարաբերությունները համակարգվում են Ֆրանսիայի Հանրապետությունում Հայաստանի Հանրապետության դիվանագիտական ծառայության մարմնի կողմից։ Հայտնում ենք, որ Արա Բաղդասարյանը հանդիսացել է Անդորրայում ՀՀ պատվավոր հյուպատոս, որը դիվանագիտական ծառայության պաշտոն չէ:
Արա Բաղդասարյանը ազատվել է Անդորրայում ՀՀ պատվավոր հյուպատոսի պարտականությունները կատարելուց՝ այն ոչ պատշաճ իրականացնելու կապակցությամբ, որի մասին Ֆրանսիայում ՀՀ դեսպանության կողմից տեղեկացվել են ինչպես Արա Բաղդասարյանը, այնպես էլ Անդորրայի իշխանությունները»։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել