«Ազգային առաջընթաց» կուսակցության լրատվության ղեկավար Հայկ Գրիգորյանն իր ֆեյսբուքյան էջում գրել էր, որ Օգոստոսի 20-ին իրեն զանգել են ԱՄՆ Հետաքննությունների դաշնային բյուրոյից (FBI) ու ասել, որ ՀՀ ԱԱԾ ու Քննչական մարմիններն վերջինիս հարցաքննելու նամակ են ուղարկել։ Հայկ Գրիգորյանի խոսքերով՝ իրենից հանդիպում են խնդրել։
«Հանդիպեցինք, պարզվեց ՀՀ ԱԱԾ, ՔԾ ու ՀՔԾ շատ լուրջ ուսումնասիրել են իմ ընդդիմադիր գործունեությունը, ողջ կենսագրությունս գրել են, ու ինձ 12 հարց են ուղղել, մեծ մասը Հիմնադիր խորհրդարանի, «Սասնա Ծռերի» ու Վերածննունդ շարժման մասին»,- գրել էր օգտատերը։
Ի պատասխան այս գրառման՝ ՀՀ ԱԱԾ-ն հայտնում է.
«Պաշտոնապես հայտարարում ենք, որ ՀՀ ԱԱԾ-ն ԱՄՆ Հետաքննությունների դաշնային բյուրոյին Հայկ Գրիգորյանի հետ կապված որևէ գրություն չի ուղարկել և նման հարցով չի դիմել։ Հայկ Գրիգորյանը, գտնվելով ԱՄՆ-ում, կարող է հանդիպել կամ չհանդիպել ցանկացած մարդու հետ, բայց դա նրան իրավունք չի տալիս ստահոդ տեղեկություններ տարածել ՀՀ ԱԱԾ-ի աշխատանքի վերաբերյալ։ Ավելին, ՀՀ ԱԱԾ-ն ոչ միայն հերքում է, այլև դատապարտում է ԱԱԾ-ի գործունեությանը վերաբերող, իսկ տվյալ դեպքում՝ չվերաբերող, անհիմն լուրերի տարածումը»։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել