Ֆեյսբուքյան օգտատեր Նարեկ Սամսոնյանն իր էջում հրապարակում էր արել, ըստ որի՝ Հյուսիսային պողոտայում «տրանսսեքսուալի» մասնակցությամբ կռիվ է տեղի ունեցել, և միջադեպի վայր եկած ոստիկանները պաշտպանել են նրան ու բերման չեն ենթարկել։
ՀՀ ոստիկանությունը հայտնում է, որ հրապարակումը չի համապատասխանում իրականությանը. ոստիկանության ծառայողները միջադեպի բոլոր մասնակիցներին բերման են ենթարկել ոստիկանության Կենտրոնական բաժին՝ անհրաժեշտ պարզաբանումներ կատարելու համար։ Դեպքի հանգամանքները պարզվում են։
«Խորհուրդ ենք տալիս չճշտված տեղեկություններ չտարածել՝ նպատակ ունենալով ստվերել ոստիկանության աշխատանքը։ Օգտատերը նշել է նաև, որ համացանցում տեսանյութ է տարածվել, որտեղ երևում է, որ «տրանսսեքսուալների խումբ դաժան ծեծի է ենթարկում մի երիտասարդի (չնայած տեսանյութում դաժան ծեծի տեսարաններ չկան)»։
Տեղեկացնենք, որ նախքան տեսանյութի հրապարակումը, ոստիկանության ծառայողները միջադեպի բոլոր մասնակիցներին բերման էին ենթարկել ոստիկանության Կենտրոնական բաժին։ Դեպքի առթիվ նյութեր են նախապատրաստվում»,- նշված է ոստիկանության հայտարարությունում։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել