Հետևեք մեզ նաև Telegram-ում 
«Մեկ Հայաստան» կուսակցության ղեկավար Արթուր Ղազինյանը հարցազրույցներից մեկում հայտարարել է, որ Ադրբեջանի կողմից սանձազերծաց պատերազմի արդյունքում հայկական կողմի զոհերի թիվը գերազանցել է 10 հազարը։
«Իմ ունեցած միջանկյալ ճշտված տվյալներով զոհերի թիվն անցնում է տաս հազարը։ Միգուցե այս է պատճառը, որ իշխանությունները հրաժարվում են հրապարակել մեր զոհերի թիվը»,- հայտարարել է Ղազինյանը։
«Տեղեկատվության ստուգման կենտրոնը» հայտնում է, որ դեռևս հունվար ամսին փոխվարչապետ Տիգրան Ավինյանը որոշակի թվեր է հայտնել պատերազմի ընթացքում հայկական կողմի զոհերի վերաբերյալ, նշելով, որ զոհերի թիվը չի գերազանցի 4 հազարը։
Հիշեցնենց, որ համաձայն Առողջապահության նախարարության հրապարակած տվյալների՝ փետրվարի 13-ի դրությամբ հայկական կողմի արձանագրած զոհերի թիվը եղել է 3577 ։
Ընթերցողներին հորդորում ենք չտրվել այսօրինակ զգայուն թեմաներով տարատեսակ մանիպուլյացիաներին և առաջնորդվել բացառապես վստահելի աղբյուրներով։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել