Օրերս թուրքական և ադրբեջանական լրատվամիջոցները տեղեկատվություն էին տարածել այն մասին, թե Շվեդիայի արտաքին գործերի նախարար Մարգո Ուոլսթրյոմը հուլիսի 5-ին տեղի ունեցած մի մամուլի ասուլիսի ընթացքում հայտարարել է, որ «իրենց կառավարության համար դժվար է ճանաչել 1915թ. հայերի և ասորիների ցեղասպանության մասին պնդումները», և ավելացրել էր, որ որևէ երկրի ցեղասպան հայտարարելու համար հիմնավոր ապացույցներ են անհրաժեշտ:
Շվեդիայի ԱԳՆ խոսնակ Էլին Թիբելլը, հարցմանն ի պատասխան, նշել է, որ նախարարը նման հայտարարությամբ հանդես չի եկել և վերոնշյալ հրապարակումները չեն արտացոլում իրականությունը: Թիբելլը ներկայացրել է մամուլի ասուլիսի ընթացքում նախարարի խոսքի տեքստը, որում, ցեղասպանության ճանաչման հարցին անդրադառնալիս, վերջինս մասնավորապես ասել է.
«Այն հարցերը, թե ինչպես պետք է որևէ կառավարություն որակի պատմական զանգվածային բռնությունները, պարունակում են միջազգային իրավունքի, ինչպես նաև սահմանադրական, քրեական և քաղաքական ասպեկտներ: Նախկինում բազմիցս ասել եմ, որ սա բարդ հարց է: Ելնելով խնդրի բարդ էությունից՝ կառավարությունը մի քանի տարի առաջ խնդրել է փորձագետի ուսումնասիրել այս հարցը: Իր զեկույցում փորձագետը նշել է, որ քանի որ հարցը շատ բարդ է, կառավարությունների մեծ մասը նախընտրում է պատմական զանգվածային բռնությունները ցեղասպանություն չանվանել»:
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել