Այսօր ապատեղեկատվությունը համացանցում տարածվում է վայրկյանական։ Հետևաբար՝ չափազանց կարևոր են ստուգման արագությունն ու հերքումների հրապարակումը։ Այս գործընթացի արագ կազմակերպումը կարող է կրճատել տեղեկատվական դաշտում ապատեղեկատվության տարածումը։
Համացանցում կարող եք գտնել տարբեր գործիքներ, որոնք նախատեսված են տեղեկատվության ստուգման համար։ Առաջարկում ենք մի քանի հավելվածներ, որոնցով կարելի է արագ և ճշգրիտ ստուգել տեղեկությունը։
Լուսանկարների որոնում
Լուսանկարների որոնում
Ամենատարածված որոնման համակարգը` Google Search by Image, որը ներառված է Chrome-ի հավելվածում: Ծրագրի օգտագործումը պարզ է՝ հավելվածում ներբեռնեք լուսանկարը և տեսեք, թե որտեղ և ինչ համատեքստում է տվյալ լուսանկարը նախկինում կիրառվել:
Այլ բրաուզերներից օգտվողները կարող են իրենց համար հեշտացնել այս խնդիրը` ներբեռնելով նույն գործառույթն իրականացնող այլ հավելվածներ, որոնք ներկայացված են ստորև։
Who stole my picture: Firefox-ի համար
BlackTrack: Safari-ի համար
Who stole my picture: Firefox-ի համար
BlackTrack: Safari-ի համար
Այս ծրագրերն աշխատում են նույն սկզբունքով` հավելվածը համակարգչում ներբեռնելուց հետո կհայտնվի լուսանկարի որոնման համար համապատասխան դաշտը:
TinEye-ը թողարկել է իր սեփական ծրագրային հավելումը, որն ունի որոնողական լայն հնարավորություններ։ TinEye-ը գործում է Chrome, Firefox և Safari բրաուզերների համար։
Որոնում սոցիալական ցանցերում
Chrome-ի օգտատերերը մի շարք օգտակար հավելվածների միջոցով կարող են արագ որոնում իրականացնել՝ գտնելով մարդկանց կամ տեղեկատվութուն:
Storyful Multisearch for Chrome-ը Storyful-ի կողմից հրապարակված ծրագիր է, որն իրականացնում է մոնիտորինգ և գտնում է սոցիալական ցանցերում վիրուսային օգտահաշիվներ։
Storyful Multisearch for Chrome-ը Storyful-ի կողմից հրապարակված ծրագիր է, որն իրականացնում է մոնիտորինգ և գտնում է սոցիալական ցանցերում վիրուսային օգտահաշիվներ։
Ծրագիրը ներբեռնելուց հետո՝ դուք կարող եք մուտքագրել բանալի բառը և ստանալ միանգամից մի քանի սոցիալական ցանցերից` Twitter-ից, YouTube-ից, Tumblr-ից, Instagram-ից եւ Spokeo-ից ամբողջական ինֆորմացիա:
Ավելացրեք այս հավելվածների շարքում նաև Facebook Search հավելվածը Chrome-ի համար և դուք կունենաք ամբողջական որոնում իրականացնելու հնարավորություն սոցիալական ցանցերում:
Մեկ այլ ծրագիր՝ Email Hunter-ը, կօգնի գտնել ձեզ անհրաժեշտ մարդկանց էլեկտրոնային հասցեները, եթե վերջիններս երբևէ դրանք հրապարակել են համացանցում։
Որոնում Google-ում
Google որոնման համակարգն առաջարկում է բազմաթիվ ֆիլտրեր, որոնք թույլ են տալիս արագ եւ արդյունավետ՝ զերծ մնալով ավելորդ տեղեկատվությունից, գտնել այն, ինչն անհրաժեշտ է:
Եթե ցանկանում եք ունենալ այս բոլոր առաջադեմ որոնման հնարավորությունները մեկտեղ, ապա կարող ենք խորհուրդ տալ Chrome- ի Fast Advanced Google Search հավելվածը: Դրանով հեշտ է սահմանել, օրինակ, ժամանակահատվածն ու այն կայքերը, որտեղ կցանկանայիք իրականացնել որոնումը:
Արխիվ և լուսանկարներ (screen shot)
Արխիվ և լուսանկարներ (screen shot)
Հայտնի համացանցային արխիվը` Wayback Machine-ը, պահում է բազմաթիվ կայքէջերի պատմություններն ու բովանդակությունները, եթե անգամ այդ էջերը փոփոխված կամ ջնջված լինեն:
Ջնջված հրապարակումը վերականգնելու համար՝ տեղադրեք համապատասխան URL կոդը որոնող համակարգում և ընտրեք ճշգրիտ ամսաթիվը։
Հաճախ կայքէջերում հրապարակված նյութերը ջնջվում են, և հետագայում դժվար է լինում ապացուցել նյութի հրապարակված լինելու փաստը։ Այստեղ մեզ օգնության են գալիս screen shot գործառույթն իրականացնող հավելվածները։
Տարբեր բրաուզերների համար նախատեսված այս ծրագրերը թույլ են տալիս պահպանել screen shot-երը PNG կամ PDF ձևաչափերով։
Screenshot capture: Chrome (1,2)-ի համար
Paparazzi!: Safari -ի համար
Fireshot: Firefox-ի համար
Paparazzi!: Safari -ի համար
Fireshot: Firefox-ի համար
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել