Հետևեք մեզ նաև Telegram-ում 
Սոցիալական ցանցերում, մասնավորապես՝ ֆեյսբուքյան տարբեր խմբերում, որոշ օգտատերերի կողմից տարածվում են կամավորների հավաքագրման կոչեր՝ նշելով, որ սահմանում կամավորներ են անհրաժեշտ։
Հարգելի քաղաքացիներ, «Տեղեկատվության ստուգման կենտրոնը» հորդորում է չվստահել և չտարածել նմանօրինակ կոչեր, քանի որ դրանք ինքնաբուխ են կամ արվում են ադրբեջանցիների կողմից՝ կոտրված հայկական էջերով։ Եթե հնարավոր մարտական գործողությունների վայրում եք, մնացեք թաքստոցներում, ռմբապաստարաններում և հետևեք բացառապես ՊՆ և/կամ ԱԻՆ-ի կոչերին։
ՀՀ Պաշտպանության նախարարությունը ևս կոչ է անում ականջալուր չլինել նման կոչերին, և բացառել կամավորական առանձին խմբերով Տավուշ մեկնումը, ինչպես նաև ավտոերթերի կազմակերպումը։ ՀՀ ԶՈւ-երը լիովին վերահսկում են իրավիճակը և այլ միջամտության կարիք չունեն։ Նման ակցիաները այս փուլում կարող են միայն խանգարել ՀՀ Զինված ուժերի և տեղական ինքակառավարման մարմինների բնականոն գործունեությանը։
Հիշեցնենք՝ 2020 թվականի հուլիսի 12-ից ադրբեջանական զինված ուժերը դիմեցին սադրանքի հայ-ադրբեջանական պետական սահմանի հատվածում՝ Ուազ տեսակի ավտոմեքենայով մոտենալով հայկական դիրքերին։ Հայկական կողմի նախազգուշացումից հետո ադրբեջանական զինվորները, թողնելով մեքենան միջդիրքային հատվածում, հեռացան։ Կարճ ժամանակ անց ադրբեջանի զինված ուժերը սկսեցին հրետակոծել հայկական դիրքերն ու սահմանամերձ գյուղերը՝ թիրախավորելով նաև խաղաղ բնակչությանը։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել