Հետևեք մեզ նաև Telegram-ում 
Համացանցում տեղեկություն է տարածվում, թե Դիլիջանում գտնվող Մոնթե Մելքոնյանի անվան ռազմամարզական վարժարանում սաներին տարհանում են։ Աղբյուրի պնդմամբ՝ տարհանումը կատարվում է այնտեղ կորոնավիրուսով հիվանդներին տեղափոխելու համար։
Տեղեկատվության ստուգման կենտրոնի հարցմանն ի պատասխան՝ Պաշտպանության նախարարությունը տեղեկացրեց, որ Մոնթե Մելքոնյանի անվան ռազմամարզական վարժարանը իր կարգով հանդիսանում է ավագ դպրոց։ Ինչպես Հայաստանի մնացած բոլոր դպրոցներում՝ այնպես էլ ռազմամարզական վարժարանում, դասերը դադարեցված են։
Ինչ վերաբերում է պնդմանը, թե վարժարանի տարածք տեղափոխելու են կորոնավիրուսով վարակված անձանց, ապա դա ապատեղեկատվություն է։
Կորոնավիրուսի մասին տարածվող կեղծ լուրերի հերքումներին կարող եք ծանոթանալ Տեղեկատվության ստուգման կենտրոնի COVID-19 բաժնում։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել