Քիչ առաջ լրատվամիջոցներից մեկը տեղեկություն էր տարածել, թե «Աստղիկ» ԲԿ-ից իրենց թղթակցին տեղեկացրել են, որ հիվանդանոցում երկկողմանի թոքաբորբով Իրանի քաղաքացի է մահացել։ Նշված էր, որ մահացած 56-ամյա տղամարդը երեկ էր ջերմությամբ տեղափոխվել հիվանդանոց։
Տեղեկատվության ստուգման կենտրոնը կապ հաստատեց «Աստղիկ» բժշկական կենտրոնի տնօրեն Ասատուր Ասատրյանի հետ, վերջինս տեղեկացրեց, որ մահացածը ոչ թե Իրանի, այլ Հայաստանի 56-ամյա քաղաքացի է՝ երկկողմանի թոքաբորբի ախտանիշներով։
Տնօրենի խոսքերով մահացածի անալիզները փոխանցվել են լաբորատորիա՝ կորոնավիրուսի առկայությունը ստուգելու նպատակով, սակայն դրա հավանականությունը ցածր է գնահատում՝ հաշվի առնելով, որ պացիենտը չի եղել Չինաստանում, Իրանում կամ Իտալիայում։ Ավելին, նոյեմբեր ամսից Երևանից չի բացակայել, այսինքն՝ ինկուբացիոն շրջանի խնդիր ևս չկա։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել