Shamshyan.com լրատվական կայքը այսօր տեղեկություն էր տարածել, թե «Արցախի պաշտպանության բանակի զորամասերից մեկում ողբերգական դեպք է գրանցվել. հայտնաբերվել է 2 զինծառայողի դի»: Լուրը լայնորեն տարածվել էր հայկական լրատվամիջոցներում։ 

Պաշտպանության նախարարության մամուլի խոսնակ Արծրուն Հովհաննիսյանը հայտնում է, որ զինծառայողների մահվան մասին տեղեկությունը սուտ է։ Զոհեր չկան, կա երկու վիրավոր, ավելին՝ մեկի կյանքին առնվազն վտանգ չի սպառնում։ 

Մամուլի խոսնակի փոխանցմամբ՝ հունվարի 24-ին՝ ժամը 06:55-ի սահմանում, ՊԲ հյուսիային ուղղությամբ տեղակայված զորամասերից մեկում, դեռևս չպարզված հանգամանքներում, հրազենային վիրավորում են ստացել ՊԲ զինծառայողներ, 2001թ. ծնված Հենրի-Հայկ Սիմոնի Զաքարեանը և 2000թ. ծնված Արմեն Ջոնիկի Մեսրոպյանը: Վիրավորում ստացած զինծառայող Հենրի-Հայկ Սիմոնի Զաքարեանի վիճակը գնահատվում է ծանր»։