ՀՀ ոստիկանության անձնագրային և վիզաների վարչության պետ Մնացական Բիչախչյանը հայտնում է, որ այսօր ՀՀ քաղաքացի հանդիսացող մի անձ դիմել է իրեն՝ ներկայացնելով իր հետ տեղի ունեցած ինտերնետային խարդախության մանրամասները:
Անհայտ անձը, հանդես գալով ԱՄՆ-ում բնակվող իր ընկերոջ տվյալներով, ֆեյսբուք սոցիալական ցանցի միջոցով քաղաքացուց խնդրել է ուղարկել անձնագրի պատճենը՝ հաշվառման էջի հետ միասին՝ բանկով գումար ուղարկելու նպատակով, որպեսզի փոխանցի բանակում ծառայող իր որդուն։
Անձնագրի պատճենը պահանջող անձը խնդրել է այն լուսանկարել նաև այնպես, որ անձնագրի տերը երևա պատկերում՝ փաստաթուղթը ձեռքին պահած։ Այնուհետև լուսանկարները ստացած, որպես ընկեր ներկայացած անձը ապաակտիվացրել է իր ֆեյսբուքյան էջը։
ՀՀ ոստիկանությունը կոչ է անում անհատական տվյալների, այդ թվում նաև փաստաթղթղերի պատճենների տրամադրման առումով լինել ուշադիր և երբևէ դրանք չտրամադրել ոչ իրավասու անձանց, այդ թվում նաև սոցիալական ցանցերի միջոցով։
Մեկնաբանություններ
Մեկնաբանություն թողնելու համար պետք է մուտք գործել կամ գրանցվել:
Մուտք Գրանցվել